KINEPNA PAHCHA LEI BOL HI BOLDA TAOTE

 By~ Dr. H.H.Mate

Manipur gamma cheng Kuki chate, Christian hon bol ding, toh ding hijat lah a Sorkar le Pathen in ajahda, aphallou sum muna lampang’a na itoh uva, hinkho iman uhi jachat umtah le society manthah na tah ahi.

Kum 1996 apat 2000 sung chun saikul gam lang’ah na kana tong in, Ganja lei bol’a sum hol aphat loudan Seminar ho ah kana sei pih jing uvin ahi. Ajeh chu Sorkar/Govt in ajahda, aphallou thil chu Pathen in jong aphallou, ajahda ahi. Sumtheng lou lamdoh a konna in kisadoh hihen, chate kisem doh hijongle khonung leh aga a-um jipoi,aga ahoi doh poi kanati jing ahi.

Tuhin Churachandpur le Chandel, Tengnoupal district kiti ho ah kani lei bol eimite atam lheh tan ahi. Pathen houten Pathen jahda thil ho tohkhah lou ding, thamloh lou ding, bollou ding ahin, eimi ten leisetna ding bou gelnan ase/aphalou ho jong aphatah dan in igel uvin, ibol uvin, ichepi jing uve. Nam sepai hon jong boltah lou ding tia seija, guhthim ma ibol jing’u hi lungdon umtah mite ihiuve.

Kani lei (Kinepna Pahcha lei) bol hi abol ho kisei sah le a sum munao ahijeh a ahoina, anelna,aphat phatna lampang’a asei tei tei diu ahi. Konkhat vang chu sum muna ding dang kahet lou jeh a aphat aphat lou hena sasa a kabol ahi ati ding ahi.

Hinlah aphatlou hena sasa bol michu michonse ahi tia Bible a kisun ahibouvin ahi. Kani lei bol le kanja lei bol hi aphapoi ti ihetsoh kei ju ahin hinlah aphat lou henasasa a ibol’u hi chonset ihiuve kitile ajahda tam kit nalai ding ahi.

Government in ajahda, Pathen in jong ajahda, nam sepai hon jong ajah da chu khovei ja pat in beng ngah in ngah leo hen phalheh inte. Kani lei bol ho jong abol vang uva lunggim na anei ju ahi.

Tukum in jong Sorkar in ajahda ahi jeh in Sepai(Police,army) chule NGO hon kani lei kibol na gam hectare tamtah asumang taove.

Igam sung’u va sum mu nathei toh ding atam in ahi. Kani lei bol jong thasen na ahin, natoh dangho jong tha senna ahi.

Pathen deile lunglhaina,Sorkar in jong pha asah na toh ding atam in, hitobang ho hi itoh joh diuvin aphan ahi. Short term plan sang’in long term plan nei jin na tong leohen phading ahin,kumkeh, kumkhat na ding ‘a bou na itoh jeh uvin igenthei uve.Apha,ahoi , atheng ho bou boipi taleo hen kipa um inte.

NEWS &ARTICLES

KOIHAM KA LAMKAI ?

 By~By Thanggoulen Kipgen “Aw kanam mite kadalhah peh uve, Katoh ban bangkhai,Jinga inam khankho ding gelnanTunin kapedoh tai toh bangkhai”

Read More »
SUBMIT YOUR ARTICLE
Scroll to Top